Cənubi Koreyanın Sungkyunkwan Universitetinin alimləri insan qanında yaşayan "Paracoccus sanguinis" bakteriyası tərəfindən istehsal olunan və dərinin qocalma prosesini ləngidə bilən üç yeni molekul aşkar ediblər.
News24.az xəbər verir ki, bu kəşf yaşlanma əleyhinə yeni dərman və dəriyə qulluq məhsullarının inkişafı üçün böyük perspektivlər açır.
Alimlər bakteriyadan 12 müxtəlif indol birləşməsini ayırd ediblər, onlardan 6-sı isə elmi ədəbiyyatda ilk dəfə təsvir olunub. Aparılan təcrübələrdə bu molekullar oksidləşdirici stressin yaratdığı zərərləri, iltihablı zülalların və kollageni məhv edən fermentlərin səviyyəsini əhəmiyyətli dərəcədə azaldıb.
Layihə rəhbəri professor Chung Sub Kim bildirib ki, qan axınındakı mikrobların metabolitləri insan sağlamlığına əhəmiyyətli təsir göstərə bilər və bu tədqiqat yeni müalicə üsullarının əsasını qoyub.
Səma Orucova
