“İran danışıqlarda maraqlıdır. Lakin Tehran belə bir təşəbbüslə daha əvvəl çıxış etməli idi.”
APA xəbər verir ki, bunu ABŞ prezidenti Donald Tramp deyib.
"Onlar danışıqlar aparmaq istəyərdilər. Amma bunu 60 gün bitməmiş etməli idilər. Onların 60 günü var idi və 61-ci gündə dedim ki, bizim heç bir razılaşmamız yoxdur. Onların razılaşmaya ehtiyacı var və bu, hər iki tərəf üçün ağrılıdır. Amma mən deyərdim ki, İran bu müharibədə qalib gəlmir və onlar danışıqlara indi, çox gec olmadan başlamalıdırlar.", - Tramp bildirib.
