YEVLAX, 16 iyun. TELEQRAF
Yevlaxda idarəetmədən çıxan avtomobil yol kənarındakı yulğun kolluğuna düşüb.
Teleqraf-ın yerli bürosunun məlumatına görə, hadisə Əkşəm kəndi yaxınlığında baş verib.
İdarəetmədən çıxaran "Hunday" markalı avtomobil yol kənarındakı yulğun kolluğuna düşməsi nəticəsində müxtəlif dərəcəli bədən xəsarətləri alan 1989-cu il təvəllüdlü sürücü Bəşirli Vüsal Bəliyar oğlu ətrafdakıların köməkliyi ilə maşından çıxarılaraq xəstəxanaya çatdırılıb.
Kəllə beyin travması, həmçinin çənə nayihəsindən kəsik xəsarəti alan yaralının müayinə və müalicəsi davam edir.
Qeyd edək ki, qəzaya uğrayan sürücü Mingəçevir DYP bölməsinin keçmiş rəisi Bəliyar Bəşirlinin oğludur.
