BAKI, 17 iyun. TELEQRAF
ABŞ-də təşkil olunan FIFA Klublararası Dünya Çempionatının növbəti oyununda Braziliya "Flamenqo"su ilə Tunisin "Esperans" komandası qarşılaşıb.
Teleqraf xəbər verir ki, D qrupunun görüşü braziliyalıların 2:0 hesablı qələbəsi ilə başa çatıb.
Qalib komandanın heyətində qolları Corcian de Arraskaeta 17-ci, Luis Araujo 70-ci dəqiqədə vurublar.
Hazırda "Flamenqo"da çıxış edən “Qarabağ"ın sabiq futbolçusu Olavio Juninyo sonadək ehtiyatda qalıb.
“Flamenqo” növbəti oyununu iyunun 20-də İngiltərənin "Çelsi" komandasına qarşı keçirəcək. “Esperans” isə həmin gün “Los Anceles” ilə üz-üzə gələcək. Qrupun ilk oyununda "Çelsi" "Los Anceles"ə qalib gəlib - 2:0.
