ABŞ prezidenti Donald Tramp və Yeddilik Qrupunun (G7) digər liderləri gözlənilmədən Yaxın Şərqdəki mövcud vəziyyətlə bağlı birgə bəyanatla razılaşıblar.
Herbiand.az xəbər verior ki, iyunun 16-da sammitə ev sahibliyi edən Kanada tərəfindən dərc olunan sənədin mətnində İran “regional qeyri-sabitliyin və terrorun əsas mənbəyi” adlandırılıb və İsrailin özünümüdafiə hüququ vurğulanıb. G7 dövlət və hökumət başçıları da İranın nüvə silahı əldə etməsinə heç vaxt icazə verilməməsi ilə bağlı uzunmüddətli mövqelərini bir daha təkrarladılar.
Birgə kommünike Ağ Evin Trampın Yaxın Şərqdəki böhranla əlaqədar Vaşinqtona erkən dönəcəyini və sammitin ikinci günündə iştirakdan imtina edəcəyini bildirməsindən bir neçə saat sonra razılaşdırılıb.
