Finlandiya hökuməti ABŞ-ın idxal tarifləri və ticarət siyasəti ilə bağlı qeyri-müəyyənliyi əsas gətirərək, bu il və gələn il üçün iqtisadi artım proqnozlarını azaldıb.
Finlandiya hökuməti ümumi daxili məhsulun 2025-ci ildə 1 faiz və 2026-cı ildə 1,5 faiz artacağını gözlədiyini bildirib. Apreldə əvvəlki təxminlər müvafiq olaraq 1,3 faiz və 1,6 faiz idi.
Hesabatda inflyasiyanın yavaşlaması, aşağı faiz dərəcələri və yüksək investisiya səviyyələrinin iqtisadiyyatı dəstəklədiyi, lakin ticarət mübahisələri və qeyri-müəyyənliyin artımı gecikdirdiyi vurğulanıb.
"ABŞ-ın tətbiq etdiyi tariflər, digər ölkələrin əks tədbirləri və ticarət siyasəti ilə bağlı qeyri-müəyyənlik səbəbindən iqtisadi artım yavaşlayır", - Maliyyə Nazirliyinin açıqlamasında deyilir.
