Azertag saytından verilən məlumata əsasən, ain.az məlumatı açıqlayır.
Bonn, 17 iyun, AZƏRTAC
Mən, COP30-un İqlim dəyişikliyi üzrə çempionu kimi, xüsusilə Qlobal Cənubda qaradərili qadınlar, gənclər və uşaqlar da daxil olmaqla, bütün gəncləri iqlim dəyişikliyi ilə mübarizədə birləşdirməyi hədəfləmişəm. Bu, sabahın deyil, elə bu günün problemidir. COP30 real tətbiqin COP-u olmalıdır.
Bunu AZƏRTAC-a müsahibəsində Braziliyada keçiriləcək COP30-un İqlim dəyişikliyi üzrə çempionu Marcella Oliveira Almaniyanın Bonn şəhərində təşkil olunan BMT-nin İqlim üzrə Subsidiar Orqanların 62-ci Sessiyası (SB62) çərçivəsində deyib.
“Gənclər təkcə müşahidəçi deyil, qərarların verildiyi masalarda da olmalıdırlar. Biz Braziliya və digər ölkələrdən olan gənc nümayəndələrlə birgə hərəkət edərək, ortaq prioritetlər uğrunda çalışırıq. Çünki bu, fərqli cərəyanlar deyil, bu, bir hərəkatdır: həyatımızı, gələcəyimizi və torpaqlarımızı qorumaq üçün bir hərəkat. Danışıqlar həyatımızın ayrılmaz bir hissəsidir. Biz danışmaq, birləşmək və daha ədalətli keçid qurmaq üçün buradayıq. COP29 prezidentliyi ilə birlikdə, daha qayğıkeş dünya üçün çalışmalıyıq”, - deyə Marcella Oliveira vurğulayıb.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
