EN
Topics
Culture
17.06.2025 ◦ 14:20

Xankəndiyə Şuşadan kanat yolu çəkiləcək

İşğaldan azad olunmuş Xankəndi şəhəri hazırda böyük abadlıq-quruculuq meydanını xatırladır. Şəhərdə əsaslı bərpa, yenidənqurma işləri gedir. Xankəndi şəhəri yaxın vaxtlarda müasir şəhərə, modern yaşayış məntəqəsinə çevriləcək.Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin ictimaiyyətlə əlaqələr şöbəsindən "Olaylar"a verilən məlumata görə, bu fikirləri   Xankəndi şəhərində, Ağdərə və Xocalı rayonlarında Azərbaycan Respublikası Prezidentinin Xüsusi nümayəndəsinin müavini Səbuhi Qəhrəmanov deyib. O, bildirib ki, hazırda Xankəndi şəhərinin müxtəlif küçə və prospektlərində geniş miqyasda bərpa-yenidənqurma işləri aparılır. Çoxmənzili yaşayış binaları təmir edilir, Zəfər parkı tikilir. Bundan başqa Xankəndi şəhərinə Şuşadan kanat yolu da çəkiləcək. Avtomobil yolları da yenidən qurulur. Görülən işlər onu deməyə əsas verir ki, Xankəndi yaxın gələcəkdə müasir şəhərlərdən biri olacaq. Bu isə bura həm yerli, həm də xarici turistlərin axınına  səbəb olacaq. Xankəndi şəhəri, Ağdərə və Xocalı rayonlarında sahibkarlıq fəaliyyətinə də xüsusi diqqət yetirilir. Bu bölgəyə sahibkarlar tərəfindən bu günədək 45 milyon manat investisiya qoyulub. Bu da bölgəyə mərhələli şəkildə köç edəcək keçmiş məcburi köçkünlərin məşğulluq məsələlərinin həllində xüsusi imkan yaradacaq.

Təklifinizi, şikayətinizi bizə yazın. Sizi dinlərik. 055 634 88 31
Chosen
9
4
olaylar.az

5Sources