Vətəninfo.az xəbər verir ki, İngiltərənin ” The Daily Telegraph” qəzeti iyunun 17 – də yazıb ki , Çin İrana ən azı üç Boeing 747 nəqliyyat təyyarəsini saxta marşrutla göndərib .
Təyyarələrin İranın İsrailə qarşı müharibədə ehtiyac duyduğu silah və hərbi texnikanın daşınması üçün istifadə oluna biləcəyi güman edilir . Bu fərziyyə İsrailin bu ölkəyə qarşı hərbi əməliyyatlara başlamasından bir gün sonra üç uçuşdan birincisinin İrana yola düşdüyü və daha iki təyyarənin isə Yaxın Şərqə daha sonra çatdığı iddiası ilə təsdiqlənir .
Qeyd olunub ki, təyyarələr Şimali Çin üzərində uçub, Qazaxıstan sərhədini keçib, Özbəkistan və Türkmənistandan keçib, daha sonra İrana yaxınlaşarkən radarlardan itiblər. Həmçinin qeyd olunub ki, təyyarələrin marşrutu Lüksemburqa çatmağı nəzərdə tuturdu, lakin qəzetin qeyd etdiyi kimi, onların heç biri Avropa hava məkanına daxil olmayıb.
