Amerikanın yüksək vəzifəli məmurları yaxın gələcəkdə İrana mümkün zərbə endirməyə hazırlaşır.
"Unikal" xəbər verir ki, bu barədə "Bloomberg" nəşri mənbələrə istinadən məlumat dərc edib.
Agentliyin məlumatına görə, əməliyyat iyunun 21-22-də keçirilə bilər, lakin vaxt dəyişə bilər. Planlaşdırmada ABŞ-nin əsas federal agentliklərinin rəhbərliyinin iştirak etdiyi bildirilir.
İyunun 13-nə keçən gecə İsrail İranın nüvə və hərbi obyektlərinə zərbələr endirməklə "Am Kelavi" kod adlı hərbi əməliyyata başlayıb. İran da buna cavab olaraq “Doğru vəd 3” əməliyyatına başlayıb və İsraildəki hərbi obyektləri vurub.
Hər iki ölkədəki zərbələr nəticəsində onlarla insan yaralanıb. İran və İsrail bir-birinə hücumlarını davam etdirir.
Gülayə Mecid
