Bu mövzunun (Rusiya qoşunlarının Ermənistandan çıxarılması məsələsi – red.) müzakirəsi üçün təyin olunmuş bütün qurumlar vasitəsilə İrəvanla müntəzəm dialoqumuz var və bu məsələ heç vaxt praktiki mənada gündəmə gətirilməyib.
Yenisabah.az xəbər verir ki, bunu həftəlik brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova deyib.
"Ola bilsin ki, bu, Ermənistanın icmaları, ictimaiyyəti, ekspert dairələri daxilində müzakirə olunub, bu başqa məsələdir. Amma bizim İrəvanla qarşılıqlı əlaqəmizdə bu məsələ qaldırılmayıb", - o qeyd edib.
Zaxarovanın sözlərinə görə, Rusiyanın Ermənistanla çox geniş diapazonu var.
"Təbii ki, hər bir ölkə arasında olduğu kimi, bizim də problemli məsələlər var, amma demək istəyirəm ki, biz yalnız irəliləyişləri və ya istiləşməni görməyə başlayırıq, bu, məhz belədir. Bir daha qeyd etmək istərdim ki, əlbəttə, bizim öz problemlərimiz, öz dramaturgiyamız var", - Zaxarova əlavə edib.
Telegram kanalımız
