ain.az, Oxu.az saytından verilən məlumata əsaslanaraq xəbər yayır.
Rusiyanın "Spartak" klubunun sabiq hücumçusu Kvinsi Promes BƏƏ-dən Niderlanda ekstradisiya edilib.
Oxu.Az xəbər verir ki, bu barədə "De Telegraaf" qəzeti məlumat verib.
Qeyd olunur ki, Promes Kral hərbi polisinin müşayiəti ilə təyyarə ilə Niderlanda göndərilib.
İyunun 12-də Dubay polisinin Promesi həbs etdiyi və onun istintaq təcridxanasına köçürüldüyü məlum olub. Bundan əvvəl Amsterdam məhkəməsi Promesi iki işdə - qohumuna bıçaqla hücum etməkdə və narkotik qaçaqmalçılığında təqsirli bilib. Birinci iş üzrə o, 1.5 il, ikinci iş üzrə isə 6 il müddətinə azadlıqdan məhrum edilib. Promes beynəlxalq axtarışa verilib. Promesin vəkilləri qərardan şikayəti ediblər.
Xatırladaq ki, 2024-cü ilin iyununda Amsterdam Apellyasiya Məhkəməsi Promesin müdafiəsinin onun həbsi ilə bağlı qərarın dayandırılması ilə bağlı vəsatətini rədd edib.
Sonrakı hadisələr barədə daha çox məlumat almaq üçün ain.az saytını izləyin.
