Pakistan hökuməti Hindistanla münaqişənin həllində vasitəçiliyinə görə Trampın namizədliyini 2026-cı il Nobel Sülh Mükafatına təqdim edir...
Oxu.Az-ın məlumatına görə, bu barədə Tribune.com.pk Pakistanın "X" sosial şəbəkəsindəki rəsmi səhifəsinə istinadən xəbər verir.
"Pakistan hökuməti, son Hindistan-Pakistan böhranı zamanı qətiyyətli diplomatik müdaxiləsini və əsas liderlik rolunu qiymətləndirərək, Prezident Donald Trampı rəsmi olaraq 2026-cı il Nobel Sülh Mükafatına təqdim etməyi qərara alıb.
Pakistan hökuməti, həmçinin Prezident Trampın Hindistan və Pakistan arasında regional qeyri-sabitliyin əsasını təşkil edən Cəmmu və Kəşmir ilə bağlı uzunmüddətli mübahisənin həllinə kömək etmək üçün səmimi təkliflərini tanıyır və təqdir edir.
Prezident Trampın 2025-ci il Pakistan-Hindistan böhranı zamanı liderliyi onun praqmatik diplomatiya və effektiv sülhyaratma irsini davam etdirdiyini göstərir", - nəşrdə qeyd olunur.
Poliqon.info
