Bu gün Bakıda ilk dəfə olaraq UFC (Ultimate Fighting Championship) turniri keçiriləcək.
“Qafqazinfo” xəbər verir ki, Bakı Kristal Zalında (Baku Crystal Hall) təşkil olunacaq yarış saat 20:00-da başlanacaq, 23:00-da isə əsas qarşılaşmalara start veriləcək.
Döyüşlər Azərbaycanda “İdman” TV vasitəsi ilə yayımlanacaq.
“UFC Fight Night”da reytinq və gələcək titul namizədlərini müəyyənləşdirən döyüşlər olur.
Bakıdakı əsas qarşılaşmada ABŞ təmsilçiləri Camahal Hill (Jamahal Hill) və Halil Rauntri (Khalil Rountree) üz-üzə gələcəklər.
Azərbaycan döyüşçülərindən Tofiq Musayev Mıktıbek Orolbai (Qırğızıstan), Rafael Fiziyev İqnasio Bahamondeslə (Çili), Nazim Sadıxov isə Nikolas Motta (Braziliya) ilə qarşılaşacaq.
“UFC Fight Night”ın görüşləri
İlkin döyüşlər
Yarım yüngül çəki: İrina Alekseyeva (Rusiya) - Klaudiya Siqula (Polşa)
Yarım orta çəki: Sok Hyön Ko (Cənubi Koreya) - Oban Elliott (Uels)
Ağır çəki: Hamdi Abdel Vahab (Misir) - Muhammad Usman (Nigeriya)
Yarım yüngül çəki: Melissa Mallins (İngiltərə) - Darya Jeleznyakova (Rusiya)
Orta çəki: İsmail Naurdiyev (Mərakeş) - Pak Çun Yon (Cənubi Koreya)
Super yüngül çəki: Taqir Ulanbekov (Rusiya) - Maksum Azat (Qazaxıstan)
Əsas döyüşlər
Yarım yüngül çəki: Məhəmməd Nayimov (Tacikistan) - Boqdan Qrad (Avstriya)
Yüngül çəki: Nazim Sadıxov (Azərbaycan) - Nikolas Motta (Braziliya)
Ağır çəki: Körtis Bleyds - Rizvan Kuniyev (Rusiya)
Yüngül çəki: Tofiq Musayev (Azərbaycan) - Mıktıbek Orolbai (Qırğızıstan)
Yüngül çəki: Rafael Fiziyev (Azərbaycan) - İqnasio Bahamondes (Çili)
Yarım ağır çəki: Camahal Hill (ABŞ) - Halil Rauntri (ABŞ)
