ain.az, Oxu.az portalından verilən məlumatlara əsaslanaraq xəbər verir.
ABŞ-nin Texas ştatından olan süni intellekt üzrə ekspert və sahibkar 44 yaşlı Adam Layons 5-15 yaş arası beş uşağının tərbiyəsində süni intellektdən istifadə edir.
Texas Universitetində sahibkarlıqdan dərs deyən kişi iddia edir ki, süni intellekt ona uşaqların mübahisələrini şəxsi müdaxilə olmadan həll etməyə kömək edir.
Oxu.Az xəbər verir ki, bu barədə "The Mirror" yazır.
Layonsa görə, uşaqlar sonsuz mübahisə edə bilərlər, lakin süni intellekt də sonsuz səbrə malikdir:
"Onlar süni intellektlə mübahisə etməyə çalışırlar, lakin adətən uduzurlar və sonda süni intellektlə razılaşırlar", - deyə ata bildirib.
Ailə təhsildə yeniliklərdən fəal istifadə edir - bütün uşaqlar evdə təhsil alır və əla nəticələr göstərirlər. Evin böyük oğlu Oliver artıq 15 yaşında orta məktəbi bitirib və süni intellektdən istifadə edərək öz videooyununu yaradıb.
Digər uşaqlar da gündəlik olaraq süni intellektdən istifadə edirlər. Onlar süni intellektlə əlaqə saxlamaq üçün səsli axtarış funksiyasından istifadə edir və "Google" əvəzinə ona müraciət edirlər.
"Bütün evimiz süni intellektlə inteqrasiya olunub - o, hətta termostatı və işıqları idarə edir", - Adam qeyd edib.
Sonrakı hadisələr barədə daha çox məlumat almaq üçün ain.az saytını izləyin.
