"Real"ın vingeri Arda Güler ABŞ-da keçirilən klublararası dünya çempionatının qrup mərhələsinin ikinci turunda "Paçuka" ilə oyunda fərqlənib.
Publika.az xəbər verir ki, türkiyəli futbolçu görüşün 43-cü dəqiqəsində Meksika klubunun qapısına qol vuraraq hesabı 2:0-a çatdırıb.
"Opta"nın məlumatına görə, Güler 20 yaş 57 günlük olarkən "Real"ın heyətində bütün turnirlərdə 10-cu qolunu vurmaqla 2009/10 mövsümündən bəri bu göstəriciyə çatan ən gənc futbolçu olub. Əvvəlki rekord 2020-ci ildə 20 yaş 80 günlük olarkən Viniçius Juniora məxsus idi.
Qeyd edək ki, görüş "Real"ın 3:1 hesablı qələbəsi ilə başa çatıb.
