İran və İsrail atəşkəs barədə barədə saziş imzalayıblar.
Xezerxeber.az-ın məlumatına görə, bu barədə ABŞ prezidenti Donald Tramp bildirib.
ABŞ Prezidenti Donald Tramp İranın Qətərdəki Əl-Üdeyd aviabazasına raket hücumu ilə bağlı ilk açıqlamasını verib.
Tramp bu hücumu “çox zəif cavab” kimi dəyərləndirib və İranın bu zərbələri barədə əvvəlcədən xəbərdarlıq etməsini yüksək qiymətləndirib.
Prezidentin sözlərinə görə, İran ABŞ-ın Tehranda və İsfahanda yerləşən strateji obyektlərinə endirdiyi hava zərbələrinə qarşı ümumilikdə 14 ballistik raketlə cavab verib. Onlardan 13-ü ABŞ-ın hava hücumundan müdafiə sistemləri tərəfindən havada zərərsizləşdirilib, yalnız biri açıq əraziyə düşərək heç bir real təhlükə yaratmayıb.
Tramp qeyd edib ki, İran hücumdan əvvəl dolayısıyla xəbərdarlıq etdiyi üçün amerikalı hərbçilər vaxtında sığınacaqlara yerləşdirilib və itkilər baş verməyib. “Biz bu ehtiyat tədbirlərini gördük, nəticədə tək bir insan belə zərər görmədi. Buna görə təşəkkür edirik,” – deyə o bildirib.
Prezident Tramp bildirib ki, İran bu hücumla “emosional təzyiqini boşaldıb” və bununla məsələni bağlaya bilər. O, bu addımı regionda yeni bir müharibə dalğasının qarşısını alan fürsət kimi dəyərləndirib:
“Ümid edirəm ki, İran buxarını buraxdı və indi Yaxın Şərqdə sabitliyə və harmoniyaya aparan yol mümkündür. Bütün dünyanı təbrik edirəm, sülh zamanı gəldi!”
Analitiklər Trampın bu açıqlamasını ABŞ-İran gərginliyində dönüş nöqtəsi kimi qiymətləndirirlər. Hələlik Pentaqonun hücuma rəsmi cavabı gözlənilsə də, Prezidentin yumşaq ritorikası bölgədə müharibənin qarşısını almağa yönəlik diplomatik siqnal kimi qəbul edilir.
