ain.az, Xalq qazeti saytına istinadən bildirir.
Ermənistanda hüquq-mühafizə orqanları hakimiyyəti ələ keçirmək üçün genişmiqyaslı planın qarşısını alıb. Bunu iyunun 25-də baş nazir Nikol Paşinyan bəyan edib.
Məlumatı “İzvestiya.ru” verib.
“Hüquq-mühafizə orqanları “kriminal oliqarx din xadimlərinin” Ermənistan Respublikasında sabitliyi pozmaq və hakimiyyəti ələ keçirmək üçün böyük və hiyləgər planının qarşısını alıblar”, – o, Teleqram kanalında yazıb.
Ölkənin İstintaq Komitəsi “Müqəddəs mübarizə” müxalifət hərəkatının lideri arxiyepiskop Baqrat Qalstanyanı və onun tərəfdarlarını hakimiyyəti ələ keçirməyə yönəlmiş terrorizmdə ittiham edib.
Departamentin saytında deyilir : “Müqəddəs mübarizə” adlı hərəkatın iştirakçıları və liderləri Ermənistanda terror aktları və hakimiyyəti ələ keçirməyə yönəlmiş aksiyalar həyata keçirməyi planlaşdırırdılar”.
İyunun 21-də Paşinyan Ermənistanda Zəngəzur dəhlizi layihəsinin fəaliyyətini dayandıracağını və onun yerinə “Dünyanın kəsişməsi”nin dəstəklənəcəyini bildirib. O qeyd edib ki, Türkiyə və Azərbaycan nümayəndələrinin Ermənistan ərazisindən keçməməsi üçün heç bir səbəb görmür. Onun sözlərinə görə, “Dünyanın kəsişməsi” nəqliyyat tranzitinin mümkünlüyünü nəzərdə tutur.
P.ƏMİRCANOVXQ
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
