Yəmənin “Ənsar Allah” hərəkatının üzvləri İsrailin paytaxtı Tel-Əvivdəki Ben Qurion hava limanına raket zərbəsi endiriblər.
Xezerxeber.az xəbər verir ki, bu barədə hərəkatın sözçüsü Yəhya Sariya açıqlama verib.
"Raket qüvvələrimiz “Fələstin-2” hipersonik ballistik raketindən istifadə edərək, Yaffanın işğal olunmuş ərazisində Ben Qurion hava limanına raket zərbəsi endirib. Əməliyyat öz məqsədinə nail olub", - o “Al-Masirah” telekanalına bildirib.
O, həmçinin hərəkatın İsrailin Aşkelon, Təl-Əviv və Eylat şəhərlərinə PUA-larla hücum etdiyini qeyd edib.
