LAÇIN, 2 iyul. TELEQRAF
“Laçında keçirilən Qadınlar Forumu olduqca maraqlı idi və burada müzakirələrin faydalı olacağını düşünürəm”.
Teleqraf-ın Laçına ezam olunmuş əməkdaşı xəbər verir ki, bunu jurnalistlərə açıqlamasında Qırğız Qadınlar Konqresinin üzvü Gurmira Turqanova deyib.
Nümayəndə bildirib ki, panellərdə müxtəlif mövzularda müzakirə aparıldı: “Bütün iştirakçılar öz fikirlərini və təcrübələrini paylaşdılar və belə qənaətə gəldik ki, dünyadakı bütün qadınların ortaq problemləri var və bu problemləri birlikdə həll etmək lazımdır”.
O vurğulayıb ki, forum iştirakçılara təcrübə qazandırdı:
“Forumda iştirak etdiyimiz üçün çox məmnunuq. Azərbaycana, təşkilatçılara və rəhbərliyə təşəkkürümüzü bildiririk. Bu forumun qadınların və gənclərin davamlı inkişafına töhfə verdiyini düşünürük”.
