Rusiya Ukrayna ilə üçüncü danışıqlar raunduna hazır olduğunu təsdiqləyib, baxmayaraq ki, tərəflər arasında əsas mövqelər fərqlidir.
NOCOMMENT.az xəbər verir ki, bu barədə Vyanada keçirilən danışıqlarda Rusiya nümayəndə heyətinin rəhbəri Yuliya Jdanova məlumat verib.
ATƏT Təhlükəsizlik Forumunun plenar iclasında Jdanova qeyd edib ki, Rusiya və Ukraynanın hazırkı memorandum layihələri “tamamilə ziddiyyətlidir”. Onun sözlərinə görə, qarşıdakı danışıqların əsas vəzifəsi bu mövqeləri yaxınlaşdırmaq üçün yollar tapmaqdır.
“İyunun 27-də prezident Vladimir Putin Kiyevlə danışıqların üçüncü raunduna fundamental hazır olduğumuzu təsdiqləyib. Gözləyirik ki, gündəliyə nizamlanma ilə bağlı memorandumlarımızın müzakirəsi daxil olacaq”, – diplomat vurğulayıb.
