ABŞ Prezidenti Donald Tramp FİDE-nin keçmiş prezidenti Kirsan İlyumjinovla bağlı məhdudiyyətləri aradan qaldırıb. Söhbət Kalmıkiyanın keçmiş rəhbərinə məxsus Rusiya Maliyyə Alyansı bankına qarşı sanksiyaların ləğvindən gedir.
Qaziler.az-ın məlumatına görə, bu barədə ABŞ Maliyyə Nazirliyinin saytı xəbər verib.
Tramp həmçinin bir sıra digər kredit təşkilatlarına qoyulan qadağaları da aradan qaldırıb.
Ləğvetmə Suriyaya qarşı sanksiyaların ləğvi çərçivəsində baş verib, çünki İlyumjinov və müvafiq banklar ölkənin keçmiş prezidenti Bəşər Əsədi dəstəkləməkdə ittiham olunurdular. Tempbank, İranın Mir Biznes Bankı, RFK-Bank, Promsıryeimport, Rosoboronexport, Global Concepts Groups, Global Vision Group, STG Logistic, Maritime Assistance və digərləri məhdudlaşdırılmış banklar siyahısından çıxarılıb.
İlyumjinov özü də “Telegram” kanalında məhdudiyyətlərin aradan qaldırılmasına artıq cavab verib. O bildirib ki, Trampla görüşərək ədalətli qərarına görə təşəkkür etməkdən və onunla şahmat oynamaqdan məmnun olardı.
“Rusiya Federasiyası Kalmıkiya Respublikasının birinci prezidenti kimi mən bu qərarı ABŞ rəhbərliyinin, şəxsən Prezident Trampın ölkəmizlə münasibətlərin xarakterini müsbətə doğru dəyişmək marağına, beynəlxalq münasibətlərin gələcək inkişafını yenidən düşünmək niyyətinə daha bir ciddi siqnal kimi qəbul edirəm”, - İlyumjinov qeyd edib.
QAZİLER.AZ
