BAKI, 2 iyul. TELEQRAF
Birləşmiş Ərəb Əmirliklərindən İstanbula uçan “AirArabia” Hava Yollarına məxsus sərnişin təyyarəsi mühərrik nasazlığı səbəbindən Ankara Esenboğa hava limanına məcburi eniş edib.
Teleqraf “TRT Haber”ə istinadən xəbər verir ki, “AirbusA320-214” tipli sərnişin təyyarəsinin sol mühərriki sıradan çıxıb və uçuş zamanı dayanıb.
Məlumata görə, təyyarə tək mühərriki ilə heç bir problem olmadan uçuş-enmə zolağına enib.
Göyərtəsində 144 sərnişin və ekipaj üzvü olduğu bildirilən təyyarə təhlükəsiz dayanacaq sahəsinə gətirilib.
Sərnişinlər təyyarədən çıxarılaraq terminala aparılıb.
