Qırğızıstan Prezidenti Sadır Japarov iyulun 3-də Xankəndidə keçiriləcək İqtisadi Əməkdaşlıq Təşkilatının (ECO) 17-ci sammitində iştirak məqsədilə Azərbaycana iki günlük işgüzar səfər edəcək.
BAKU.WS xəbər verir ki, bu barədə məlumatı Qırğızıstan Prezident Administrasiyasının xarici siyasət şöbəsinin rəhbəri Sağınbek Abdumutalip yerli mediaya açıqlayıb.
Onun sözlərinə görə, "ECO-nun etibarlı və iqlimə davamlı gələcək üçün yeni baxışı" mövzusunda keçiriləcək sammitdə üzv ölkələr bir sıra mühüm məsələləri, o cümlədən iqlim dəyişikliklərinə qarşı birgə mübarizə tədbirlərini müzakirə edəcəklər.
Səfər çərçivəsində Sadır Japarovun iştirakı ilə Ağdam rayonu ərazisində Qırğızıstan tərəfindən inşa edilən "Aykol Manas" məktəbinin açılış mərasimi də keçiriləcək.
