Portuqaliya millisinin və “Liverpul”un 28 yaşlı mərkəz hücumçusu Dioqo Jota yol-nəqliyyat hadisəsi nəticəsində dünyasının dəyişib.
Arena.az bu barədə “Liverpul”un rəsmi saytına istinadən məlumat verir.
İlkin məlumata görə, bu gün, iyulun 30-də Dioqo Jota yerli vaxtla saat 0:40-da İspaniyanın qərb bölgəsindəki Samora əyalətinin A-52 magistral yolunun 65-ci kilometrliyində qardaşı Andre ilə birlikdə avtomobilində yol-nəqliyyat qəzasına düşərək həlak olub. İlkin təxminlərə görə, ötmə zamanı avtomobilin təkəri partlayıb, maşın yoldan uçaraq çevrilib və yanıb. Qardaşlar alovlanmış maşından çıxa bilməyərək həlak olublar.
Əlavə edək ki, Jotanın qardaşı Andre də peşəkar futbolçu idi. Hazırda hadisə ilə bağlı təhqiqat aparılır.
“Liverpul” və Portualiya Futbol Federasiyası (FPF) başda olmaqla, futbol aləmi Jota və qardaşının faciəvi ölümü ilə əlaqədar mərhumların ailəsinə, dostlarına və yaxınlarına başsağlığı veriblər.
Dioqo Jota futbola 2005-ci ildə “Qondomar” klubunda qədəm qoyub, ardınca “Pasuş de Ferreyra”ya keçərək, böyük futbolda debüt edib. Hücumçu, karyerası ərzində “Atletiko” (Madrid), “Portu”, “Vulverhempton” və “Liverpul”da çıxış edib.
2024/2025-ci illər mövsümündə Jota “Liverpul” üçün 37 oyuna 9 qol və 4 məhsuldar ötürmə ilə fərqlənib.
Jotanın klub karyerası ümumilikdə 182 oyun, 65 qol və 26 məhsuldar ötürmədən ibarətdir.
Dioqo Jota 2009-cu ilin noyabr ayında debüt etdiyi Portuqalya yığmasının heyətində 49 oyuna 14 qol və 12 məhsuldar ötürmə ilə fərqlənib.
Jotanın qənimətlər muzeyində “Liverpul”la qazandığı İngiltərə Premyer Liqası (2024/2025), İngiltərə Kuboku (2022), İngiltərə Liqa Kuboku (2022, 2024), həmçinin “Vulverhempton” İngiltərə Çempionşipi (2017/2018) var.
Jota Portuqaliya yığması ilə UEFA Millətlər Liqasının qalibi olub (2019, 2025).
