Ən nüfuzlu azərbaycanlı qanun oğrularından biri Vaqif Süleymanov Moskvada saxlanılıb. Bu barədə Telegram 112 kanalı məlumat yayıb.
Məlumata görə, həmin şəxs Azərbaycana deportasiya olunana qədər xüsusi təcridxanada saxlanılacaq. Kanal xəbər verir ki, Azərbaycan hüquq-mühafizə orqanlarının əməkdaşlarının da saxlanılan şəxsə sualları var.
İyunun 28-də Azərbaycan Rusiyanı Yekaterinburqda azərbaycanlıların saxlanmasını araşdırmağa çağırıb. Bu bəyanat mediada iyunun 27-də baş vermiş reyd barədə məlumat yayıldıqdan sonra verilib — təhlükəsizlik qüvvələri azərbaycanlıların 10-dan çox mənzilində axtarış aparıb və 50-yə yaxın adamı saxlayıb. Regional İstintaq Komitəsi və Daxili İşlər Nazirliyi “keçən illərə” aid bir işi araşdırdıqlarını bildiriblər. Söhbət 2001-ci ildə mətbəx bıçağı ilə bıçaqlanaraq öldürülən tacir Yunis Paşayevin qətlindən gedir. Mətbuat həbs zamanı dünyasını dəyişən Ziəddin və Hüseyn Səfərov qardaşlarını əsas şübhəlilər adlandırır.
Hadisədən sonra Azərbaycanın Mədəniyyət Nazirliyi Rusiyanın dövlət və özəl qurumları tərəfindən planlaşdırılan bütün mədəni tədbirlərin ləğv edildiyini açıqlayıb.
Rusiya prezidentinin mətbuat katibi Dmitri Peskov bildirib ki, Rusiya hakimiyyəti Bakının Yekaterinburqda azərbaycanlıların saxlanmasından sonra Moskva ilə münasibətlərlə bağlı qəbul etdiyi qərarlardan təəssüflənir və Azərbaycanın hərəkətlərini əsassız hesab edir.
Əziz Mustafa, Oxuməni.az
