ABŞ prezidenti Donald Tramp BRİKS-in "antiamerikan siyasətlərinə" əməl edən ölkələrin əlavə 10 faiz gömrük rüsumuna məruz qalacağını açıqlayıb.
Tramp Truth Social-da yazıb: "BRİKS-in anti-Amerika siyasətləri ilə uyğunlaşan hər bir ölkə ƏLAVƏ 10 FAİZ GÖMRÜK rüsumuna tabe olacaq. Bu siyasətdə heç bir istisna olmayacaq".
Trampın bəyanatı BRİKS blokunun inkişaf etməkdə olan ölkələri Braziliyanın Rio-de-Janeyro şəhərində keçirilən sammitə toplaşarkən verilib.
BRİKS ölkələri qrupuna Braziliya, Rusiya, Hindistan, Çin, Cənubi Afrika Respublikası, Səudiyyə Ərəbistanı, Misir, Birləşmiş Ərəb Əmirlikləri, Efiopiya, İndoneziya və İran daxildir. Blok özünü “Qlobal Cənub ölkələri üçün siyasi və diplomatik koordinasiya forumu və müxtəlif sahələrdə əməkdaşlıq platforması” kimi təsvir edir.
