İsveçrədə yarığa düşən bir adamı itinin xilas etdiyi açıqlanıb. “Air Zermatt” xilasetmə qrupu elan etdi ki, bu "qeyri-adi" xilasetmə iyun 4-də Saas-Fi üzərindəki Fi buzlaqında baş verib.
Açıqlamaya görə, cümə günü bir kişi iti ilə Cənubi Alp dağlarında buzlaqda gəzintiyə çıxıb. Kişi qəfildən 8 metr dərinlikdə olan yarığa düşüb. Onun balaca iti yuxarıda, düz yarığın yanında qaldı.
Yıxılan adamın yanında həvəskar radiosu olub. Kişi bunun sayəsində kömək çağıra bilsə də, axtarış-xilasetmə qrupları onun yerini tapmaq üçün çox çalışmalı olub.
Uollis kantonunda “Air Zermatt” regional xilasetmə xidmətinin verdiyi açıqlamada çökmə sahəsi üçün başladılan işlərin çətin olduğu, buzlaq səthinin geniş olduğu və adamın düşdüyü dəliyin çətinliklə göründüyü bildirilib.
Lakin sonra xilasedicilərdən biri qaya üzərində kiçik bir hərəkət görüb. Çihuahua hələ də yarığın kənarında dayanmışdı.
“Air Zermatt” daha sonra nə baş verdiyini danışıb: "İtin davranışı sayəsində komanda qəzanın harada baş verdiyini dəqiq müəyyən edə bildi. Komanda adama kəndirlə çata bildi. Deyə bilərik ki, itin davranışı bu uğurlu xilasetmə işinə mühüm töhfə verdi."
