"Barselona" klubunun keçmiş kapitanı və futbol əfsanəsi Karles Puyol sosial şəbəkələrdə məşhurlaşan "Çay verərsən?" trendinə qoşulub.
Milli.Az xəbər verir ki, məşhur türk aşpazı CZN Burak (Burak Özdemir) trendə çevrilən videonu bu dəfə Karles Puyol ilə birlikdə çəkərək Instagram hesabında paylaşıb.
Qısa zamanda böyük marağa səbəb olan video dörd milyon baxış və 260 min bəyəni toplayıb.
Xatırladaq ki, Karles Puyol futbolçu karyerasına 1995-ci ildə "Barselona" klubunda başlayıb və 2014-cü ilədək bu komandaya sadiq qalıb. O, həm klubun, həm də dünya futbolunun simvolik müdafiəçilərindən biri hesab olunur.
Milli.Az
