“Luka Modriç və Lukas Vaskesin “Real”dan ayrılmasından sonra komandanın kapitanları qrupunda iki yer boşalıb.
Publika.az xəbər verir ki, yeni mövsümdə “kral klubu”nun əsas kapitanı müdafiəçi Dani Karvaxal olacaq. Onun 2024/25 mövsümü oktyabrda ön çarpaz bağlarının qopması səbəbindən vaxtından əvvəl başa çatmışdı. Vitse-kapitan uruqvaylı yarımmüdafiəçi Federiko Valverde olacaq.
“Diario AS”ın məlumatına görə, kapitanlar siyahısına Tibu Kurtua və Vinisius Junior da qoşulub.
2018-ci ildə “Çelsi”dən “Real”a keçən belçikalı qapıçı Kurtua komandanın üçüncü, həmin yay “Flamenqo”dan gətirilən Vinisius isə dördüncü kapitanı olacaq.
