Polşa Prezidenti Anjey Duda jurnalistlərin gözü qarşısında sörfinqdən dənizə düşüb.
“Cebheinfo.az” xəbər verir ki, bu barədə Varşavanın “Fakt” qəzeti məlumat yayıb.
Dövlət başçısı bu yaxınlarda sörfinq taxtasında elektrik mühərrikinin quraşdırıldığı su idman növü olan reaktiv sörfinqlə maraqlanıb. Bu, 50-60 km/saat sürətə çatmağa imkan verir.
Duda həmişə olduğu kimi, Hel yarımadasındakı Jurata çimərliyinin heç kimin buraxılmadığı hasarlanmış ərazisində reaktiv sörfinq edib. Bu ərazinin içərisində mühafizəçilər tərəfindən ciddi nəzarətə götürülüb.
Nəşrin fotoqrafları prezidentin taxta üzərində qala bilməyərək dənizə necə yıxıldığını lentə alıblar. O, dərhal mühafizəçilər tərəfindən tutuldu. Duda qoruyucu dəbilqə və jilet geyinmişdi və buna görə də xəsarət almayıb.
