Almaniya Hərbi Kəşfiyyat Xidməti (MAD) Rusiya kəşfiyyat xidmətlərinin casusluq cəhdlərinin və təxribat fəaliyyətlərinin sayında əhəmiyyətli artım qeydə aldığını bildirib...
Poliqon xəbər verir ki, MAD prezidenti Martina Rosenberqin sözlərinə görə, Rusiya tərəfinin yanaşması daha geniş və aqressivləşib.
Alman xidmətinin məlumatına görə, Rusiya kəşfiyyatçıları əlaqələr yaratmaq üçün birbaşa təmaslardan da istifadə edirlər. Xanım Rozenberq Almaniyanın DPA xəbər agentliyinə deyib: "Onlar Soyuq müharibə dövründə olduğu kimi hərəkət edirlər və alətlər qutusunu genişləndirirlər".
MAD rəhbəri konkret misal gətirməyib.
Süddeutsche Zeitung yazır ki, MAD son zamanlar hərbi obyektlərin mümkün izlənilməsi, eləcə də təxribat, kiberhücumlar və pilotsuz təyyarələrin buraxılmasından narahatdır. Digər təsir üsulu məqsədli dezinformasiya adlanır.
May ayında Almaniya prokurorluğu Ukrayna, Ermənistan və Rusiya vətəndaşlarına qarşı ittihamlar irəli sürüldüyünü açıqlamışdı. Onlar Almaniyada yaşayan keçmiş ukraynalı hərbçiyə qarşı mümkün sui-qəsd cəhdi üçün məlumat toplamaqda şübhəli bilinirlər. Rusiya hakimiyyəti baş verənləri Rusiya-Almaniya münasibətlərini daha da pozmağa yönəlmiş təxribat hesab edir.
Poliqon.info
