Finss.az xəbər verir ki, Ford Otosan istehsala illik fasilə verir.
Şirkət İctimaiyyəti Məlumatlandırma Platformasına (KAP) illik məzuniyyətlə əlaqədar dörd fabrikdə istehsalın dayandırılacağını açıqlayıb. Açıqlamada o da bildirilib ki, bu müddət ərzində fabriklərdə dövri texniki xidmət aparılacaq.
Açıqlamaya görə, Gölcük və Əskişəhər fabriklərində iyulun 27-dən avqustun 11-dək, Yeniköy fabrikində iyulun 27-dən avqustun 13-dək, Krayova fabrikində isə avqustun 2-dən avqustun 20-dək istehsal dayandırılacaq.
