Kanadada aparılan araşdırmaya görə, yatmazdan əvvəl pendir yemək kabus görməyə səbəb ola bilər.
News24.az publika.az-a istinadla xəbər verir ki, tədqiqatı Monreal Universitetinin yuxu nevroloqu Tore Nielsen və professor Russ Pauvell aparıb.
Mindən çox tələbə arasında sorğu keçirilib. Məlum olub ki, pendirin tərkibindəki laktoza mədəmizdə rahat həzm ola bilmir və nəticədə mədə beyinə siqnal göndərir. Bu da yuxularda kabus görməyə səbəb olur.
Tədqiqatçılar, həmçinin şirniyyatların da buna səbəb olduğunu qeyd ediblər. Bir sözlə, yatmazdan əvvəl süd məhsulları və şirniyyatlardan uzaq durmaq lazımdır.
