NASA təxirə salınmış işdən azadetmə proqramı çərçivəsində bir neçə min əməkdaşını ixtisar etməyə hazırlaşır.
Trend-in "Bloomberg" agentliyinə istinadən verdiyi məlumata görə, bu təşəbbüs Ağ Evin federal məmurların sayının azaldılması üzrə proqramı çərçivəsində həyata keçirilir.
NASA-nın yaydığı məlumata əsasən, işdən çıxarılacaq əməkdaşların ümumi sayı 3 870 nəfərə çata bilər.
Qeyd edək ki, 2025-ci ildə NASA əməkdaşlarına hökumətin təxirə salınmış işdən azad etmə proqramında iştirak etmək üçün iki mərhələli imkan təqdim olunub.
Hər iki mərhələnin yekunlarına görə, NASA-nın mülki işçilərinin ümumi sayının təxminən 14 minə qədər azalacağı proqnozlaşdırılır.
