ain.az, Bizimyol portalından verilən məlumatlara əsaslanaraq xəbər verir.
Böyük Britaniyada VPN istifadəçilərinin sayı internet məzmununa nəzarət gücləndirildikdən sonra 1000%-dən çox artıb.
Bizimyol.info xəbər verir ki, bu barədə "Financial Times" (FT) məlumat yayıb.
İyulun 25-də Böyük Britaniyada Onlayn Təhlükəsizlik Aktı çərçivəsində "X", "TikTok" və "Reddit" də daxil olmaqla ən populyar platformalarda məcburi yaş yoxlaması üçün yeni qaydalar qüvvəyə minib.
Oxşar tədbirlər, həmçinin intihar, qidalanma pozğunluğu və özünə zərər vurmağın digər yolları kimi mövzulara toxunan pornoqrafik məzmunlu və ya digər “zərərli” materialları olan minlərlə vebsayta da şamil edilib.
Qəzetin qeyd etdiyi kimi, internetdə nəzarətin gücləndirilməsi fonunda Böyük Britaniyada uyğunsuz məzmuna giriş imkanı verən proqramların populyarlığında artım müşahidə olunub. Həftə sonu "App Store"da ən çox yüklənən pulsuz proqramların onluğunun yarısı VPN xidmətləri olub.
"FT" əlavə edib ki, yeni qaydalar qüvvəyə mindikdən sonra minlərlə Böyük Britaniya sakini Onlayn Təhlükəsizlik Aktını ləğv etmək üçün petisiya imzalayıb. Bu müraciəti hazırda 280 mindən çox insan dəstəkləyib. Britaniya qanunlarına görə, petisiyada 100 mindən çox imza varsa, hökumət ona cavab verməli, parlament isə mövzu ilə bağlı debat keçirməyi nəzərdən keçirməlidir.
Sonrakı hadisələr barədə daha çox məlumat almaq üçün ain.az saytını izləyin.
