Amerikanın “Apple” şirkəti ilk dəfə Çindəki mağazalarını bağlayır. “21st Century Business Herald”ın məlumatına görə, Dalianda yerləşən “Apple Store” avqustun 9-da bağlanacaq.
Şirkət bağlanma səbəbini açıqlamayıb. Dalian mağazası 2015-ci ilin oktyabrında açılıb. Bu, Daliandakı birinci, Çinin şimal-şərqindəki Lionin əyalətində isə ikinci rəsmi “Apple Store” olub.
“Apple”ın 2025-ci maliyyə ilinin ikinci rübü üçün maliyyə hesabatlarına görə, şirkətin gəliri bir əvvəlki ilə nisbətən 5% artaraq 95.36 milyard dollar təşkil edib. Eyni zamanda, materik Çində gəlir əvvəlki illə müqayisədə 2% azalaraq 16 milyard dollara düşüb.
Qeyd edək ki, “Huawei” bu ilin ikinci rübündə Çin bazarına 12.5 milyon smartfon tədarük edərək, 18.1% bazar payı ilə lider olub. Çinin “Vivo”, “OPPO” və “Xiaomi” şirkətləri müvafiq olaraq ikinci, üçüncü və dördüncü yerləri tutub. “Apple” 13.9% bazar payı ilə beşinci yerdədir.
