İspaniya polisi ölkənin cənubundakı Kadis əyalətində narkotik satıcılarından kakao və portağal qiyafəsində bir neçə ton həşiş götürüb.
HİT.az xəbər verir ki, bu barədə ölkənin Daxili İşlər Nazirliyinin rəsmi saytında məlumat verilib.
Qeyd olunur ki, milli polis əməkdaşları İspaniyanın cənubunda xüsusi təhlükəsizlik planı çərçivəsində çəkisi 3500 kq olan həşiş partiyasını ələ keçiriblər.
Cinayətkarlar 1800 kq həşişin bir hissəsini bükərək, portağalları xatırladan bükümlər hazırlayıblar. Qalan narkotikləri tikinti materiallarından və kakaodan kisələrə qoyublar.
Bu ilin martında gömrükçülər Barselona hava limanında at yəhərləri kimi maskalanmış bir partiya kokain saxlayıblar. İspaniya Mülki Qvardiyası “Equitem” əməliyyatı zamanı 26 kq kokain ələ keçirib. Aşkar edilmiş narkotik vasitələrin dəyərinin 600 min avro olduğu bildirilir. Cinayət törətməkdə şübhəli bilinən 5 nəfər saxlanılıb.
Samir
