ABŞ prezidenti Donald Tramp yeni qolf meydançası açıb.
"Unikal" xəbər verir ki, Amerika lideri açılış zamanı jurnalistlərlə söhbətində dünyadakı beş silahlı münaqişəni dayandırması ilə öyünüb.
"Bildiyiniz kimi, dünən biz müharibəni (Tailand və Kamboca arasındakı münaqişəni. — red.) dayandırdıq. Amma ümumilikdə, biz artıq təxminən beş müharibəni dayandırmışıq. Bu, nə qədər sevməyimdən asılı olmayaraq, qolf oynamaqdan daha vacibdir", - Ağ Evin rəhbəri deyib.
Amerika lideri etiraf edib ki, bu gün qolf oynamağı səbirsizliklə gözləyir. Bundan sonra o, “dünyada yanğınları söndürmək” üçün Vaşinqtona qayıtmağı planlaşdırır.
