Microsoft səhmləri NASDAQ birjasında əsas ticarət sessiyasının bağlanmasından sonra şirkətin dördüncü rüb və tam maliyyə ili üçün gözləniləndən daha güclü nəticələr verdiyini bildirdikdən sonra elektron ticarətdə təxminən 9% bahalaşıb. Nəticədə şirkətin bazar dəyəri 4 trilyon dollar həddini keçib. CNBC-nin qeyd etdiyi kimi, bu artım bugünkü ticarət sessiyasında davam edərsə, “Microsoft” “Nvidia”dan sonra 4 trilyon dollardan çox bazar dəyəri olan ikinci şirkət olacaq. Digər şirkətlər hələ ki, bunu bacarmayıb.
Dördüncü rübün nəticələrinə əsasən, “Microsoft”un gəliri 18% artaraq 76.4 milyard dollara çatıb ki, bu da son üç ildə ən sürətli artım tempidir. Əməliyyat mənfəəti 34.3 milyard dollar təşkil edib ki, bu da bir il əvvəllə müqayisədə 23% çoxdur. Xalis mənfəət 24% artaraq 27.2 milyard dollara çatıb. İlin yekunlarına görə, gəlir, əməliyyat mənfəəti və xalis mənfəət müvafiq olaraq 15%, 17% və 16% yüksəlib. İlin yekunlarına görə, şirkətin bulud xidmətlərindən əldə etdiyi gəlir 34% artaraq 75 milyard dolları ötüb.
