Astarada 29 yaşlı tur bələdçisi faciəvi şəkildə öldü

Astarada turistlərə bələdçilik edən gənc yıxılaraq ölüb.

 

Senzor.az bildirir ki, hadisə avqustun 2-də rayonun Hamuşam kəndi ərazisində baş verib.

 

Belə ki, turistlərə bələdçilik edən 29 yaşlı Günəşli kənd sakini Rufiz Zamanov yıxılaraq baş nahiyəsindən ağır xəsarət alıb.

 

Lənkəran Rayon Mərkəzi Xəstəxanasına çatdırılan R. Zamanova ilkin tibbi yardım göstərilərək reanimasiya şöbəsinə yerləşdirilib. Lakin həkimlərin səylərinə baxmayaraq, onun həyatını xilas etmək mümkün olmayıb.

 

Bələdçinin yaxınlarının bildirdiyinə görə, R.Zamanovun yıxılmasına epilepsiya keçirməsi səbəb olub.

 

Faktla bağlı araşdırma aparılır.