Avqustun 5-də Birləşmiş Millətlər Təşkilatının dənizə çıxışı olmayan ölkələr üzrə üçüncü konfransı çərçivəsində Avazada milli yeməklər festivalı keçiriləcək.
Tədbir avqustun 6-dan 8-dək keçiriləcək Mərkəzi Asiya ölkələrinin və Azərbaycanın milli günlərinə təsadüf edir. Festivalda dost ölkələrin aşpazları iştirak edərək öz ölkələrinin ənənəvi yeməklərini təqdim edəcəklər.
Təşkilatçılar forum çərçivəsində mədəni-humanitar tədbirlərin, o cümlədən dostluq konsertinin və milli mətbəx festivalının yüksək səviyyədə keçirilməsinin vacibliyini qeyd ediblər.
Əvvəllər Türkmənistan türk və Orta Asiya xalqlarının ortaq mətbəx ənənələrini nümayiş etdirən oxşar iri beynəlxalq tədbirlərə ev sahibliyi edib. Bu ənənələr öz köklərini eramızdan əvvəl II əsrdən XV əsrə qədər Şərqlə Qərbi birləşdirən Böyük İpək Yolu dövründən götürür.
Festivalın qonaqları şərq mətbəxinin müxtəlifliyi və ənənəvi çay mərasimləri ilə tanış ola biləcəklər. Xalqın əməyini və birliyini əks etdirən yerli məhsullara, kulinariya xüsusiyyətlərinə xüsusi diqqət yetirilir.
Türkmən xalqının Ümummilli Lideri, Türkmənistan Xalq Maslaxatının sədri Qurbanqulu Berdiməhəmmədovun təşəbbüsü ilə festival çərçivəsində türkmən yeməklərinin tarixini və dünya mətbəxində əhəmiyyətini üzə çıxaran ikicildlik “Bol türkmən dastarxanı” kitabının təqdimatı keçiriləcək.
Festivalda həmçinin yeni kənd təsərrüfatı mövsümünün məhsullarından, o cümlədən çörək, ət və taxıl xörəklərinin istifadəsi vurğulanacaq. Tədbir türkmən qonaqpərvərliyi ruhunda birlik və dostluq mühiti yaradacaq.
Cavid
