XANKƏNDİ, 4 avqust. TELEQRAF
Xankəndidə Diaspor Gənclərinin VI Yay Düşərgəsi keçirilir.
Teleqraf xəbər verir ki, avqustun 3-dən başlayan düşərgə avqustun 9-dək davam edəcək.
Tədbir Diasporla İş üzrə Dövlət Komitəsinin və Heydər Əliyev Fondunun birgə təşkilatçılığı ilə baş tutur.
Düşərgədə dünyanın 61 ölkəsindən 128 azərbaycanlı gənc və Azərbaycana dost münasibət bəsləyən xalqlardan olan gənclər iştirak edir. Açılış mərasimində rəsmi şəxslər, görkəmli ziyalılar, tanınmış elm, mədəniyyət və incəsənət xadimləri iştirak edəcəklər.
