ain.az bildirir, Bizimyol portalına istinadən.
ABŞ prezidentinin elçisi Stiven Vitkoffun Qəzza zolağına səfəri dünyanın diqqətini İsrailin Fələstin anklavında törətdiyi cinayətlərdən yayındırmaq məqsədi daşıyır.
Bizimyol.info xəbər verir ki, bunu İran Xarici İşlər Nazirliyinin rəsmi nümayəndəsi İsmail Bəqayi deyib.
O, həftəlik brifinqdə deyib: “ABŞ liderinin elçilərindən birinin Qəzza zolağına səfəri Vaşinqtonun sionist rejimin (İsraili nəzərdə tutur) cinayətlərini gizlətmək cəhdlərini açıq şəkildə nümayiş etdirən bir şoudur”.
Diplomatın sözlərinə görə, “ABŞ hökuməti iqtidarda demokratların və ya respublikaçıların olmasından asılı olmayaraq, həmişə sionist rejimin hərəkətlərini tam dəstəkləyib və buna görə də onun bütün cinayətlərinə görə məsuliyyət daşıyır”.
"BMT Təhlükəsizlik Şurası ABŞ-ın müxalifəti səbəbindən indiyədək Qəzza zolağında soyqırımın dayandırılması və fələstinlilərə yardımın göstərilməsinə çağıran tək bir bəyannamə qəbul edə bilməyib", - deyə Baqai əlavə edib.
İyulun 31-də Vitkoff İsrailə səfər edib və burada İsrailin baş naziri Benyamin Netanyahu ilə Qəzzaya ərzaq tədarükünün genişləndirilməsi ilə bağlı danışıqlar aparıb. Ertəsi gün amerikalı diplomat İsrail rəsmilərinin müşayiəti ilə Fələstin anklavında humanitar yardımın paylanması məntəqəsinə baş çəkib.
Rusiya mətbuatı yazır ki, 2025-ci il martın 2-dən Qəzza zolağına heç bir beynəlxalq humanitar yardım daxil olmayıb və İsrail hakimiyyətinin qərarı ilə bütün keçid məntəqələri bağlı saxlanılıb. Zolaq sakinləri arasında ərzaq paylanması İsrail və ABŞ-ın birgə idarə etdiyi Qəzzaya Humanitar Yardım Fondunun məntəqələr sistemi vasitəsilə həyata keçirilir. Fələstin anklavının Səhiyyə Nazirliyinin məlumatına görə, 2023-cü ilin oktyabrından Qəzzada baş verən qarşıdurma qurbanlarının ümumi sayı 60 430 nəfərə çatıb, 148 000-dən çox insan yaralanıb.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
