ain.az, Redaktor.az portalından verilən məlumatlara əsaslanaraq xəbər verir.
ABŞ-nin Harvard Tibb Məktəbinin nəzdində fəaliyyət göstərən Public Health Nutrition jurnalında yayımlanan yeni bir araşdırmaya görə, gündəlik su qəbulunu normada saxlamaq təkcə fiziki sağlamlığı deyil, beyin funksiyalarını və emosional sabitliyi də əhəmiyyətli dərəcədə yaxşılaşdırır.
Redaktor.az bu barədə xarici KİV-ə istinadla xəbər verir.
Məlumata görə, alimlərin apardığı 12 aylıq tədqiqatda 2,500 nəfər iştirak edib. Onların gündəlik su qəbulu və bədən funksiyaları davamlı şəkildə izlənilib. Nəticələr göstərib ki, gündə ən azı 1.5–2 litr su içən şəxslərdə aşağıdakı müsbət dəyişikliklər müşahidə olunub:
Konsentrasiya və yaddaş göstəriciləri 14% artıb, baş ağrılarının intensivliyi və tezliyi 22% azalıb, dərinin nəmlik səviyyəsi və elastikliyi nəzərəçarpacaq dərəcədə yaxşılaşıb, yuxu keyfiyyəti və əhval stabilliyi daha yüksək olub.
Tədqiqatın müəlliflərindən biri, professor Linda Zhao qeyd edir:
“Bədəndə su çatışmazlığı yalnız susuzluq hissi ilə yox, həm də əhval dəyişkənliyi, diqqət pozuntuları və erkən yorğunluqla özünü göstərə bilər. İnsanlar çox zaman bu simptomları başqa səbəblərlə əlaqələndirirlər”.
Tədqiqat həmçinin göstərib ki, az su içən şəxslərdə qanda elektrolit balansının pozulması, sidik yolları infeksiyaları və ümumi metabolik yavaşlama halları daha çox qeydə alınıb.
Alimlər xüsusilə isti hava şəraitində, aktiv həyat tərzi keçirənlərə və çox oturaq işləyən şəxslərə gündə ən azı 8 stəkan su içməyi tövsiyə edirlər. Ən yaxşısı isə gün ərzində bərabər aralıqlarla su qəbul etməkdir.
Nuriyyə NATİQQIZI
Ən son xəbərləri və yenilikləri almaq üçün ain.az saytını izləyin.
