Müəllif:Mehin Qasımova,Banco.az
ABŞ Milli Aeronavtika və Kosmik Tədqiqatlar İdarəsinin (NASA) Ayın səthinə nüvə reaktoru göndərmək planının olduğu irəli sürülüb.
Banco.az xəbər verir ki, ABŞ-ın "Politico" jurnalının xəbərinə görə, əldə etdiyi sənədlərə əsasən, NASA böyük bir layihəni ictimaiyyətlə paylaşmağa hazırlaşır.
Nəqliyyat Katibi və NASA-nın Müvəqqəti Direktoru Sean Duffy-nin bu həftə tikintisi və sonra Aya göndərilməsi planlaşdırılan nüvə reaktoru layihəsini açıqlaması gözlənilir.
Nüvə reaktorunun 100 kilovat gücündə olacağı və 2030-cu ilə qədər kosmosa göndərilməsi nəzərdə tutulur.
NASA-nın anonim yüksək vəzifəli rəsmisi jurnala bildirib ki, ABŞ bu addımı ilə ikinci kosmos yarışında qalib gəlməyi hədəfləyir.
