Qidalanma tərzi insanın əhvalına və xoşbəxtlik hissinə birbaşa təsir göstərir.
Pravda.az bildirir ki, zülalın qəbulu, dopamin və norepinefrin kimi əhvalı yaxşılaşdıran hormonların ifrazını artırır. Karbohidratlar isə serotonini artıraraq əhvalı müsbət yöndə dəyişə bilər. Buğda toxumu və yumurtada olan asetilxolin öyrənmə, yaddaş və əhval ilə əlaqələndirilir. Omega-3 yağ turşuları isə depressiya və kədər hissi ilə mübarizədə önəmlidir.
Bağırsaq mikrobiomu ruh halına necə təsir edir?
Bağırsaqlarımızda yerləşən mikrobiom həm faydalı, həm də zərərli bakteriyaları ehtiva edir. Araşdırmalara görə, bu mikroorqanizmlər insanın əhvalı, narahatlıq səviyyəsi və depressiyaya meyli üzərində təsirə malikdir. Serotonin hormonunun 90%-i bağırsaqlarda istehsal olunur.
Mikrobiomun tərkibi bir çox psixoloji pozğunluqla, o cümlədən depressiya və şizofreniya ilə əlaqələndirilir.
Süd məhsulları, bəzi ədviyyatlar, meyvə-tərəvəz də faydalı mikrobların artmasına və zərərlilərin azalmasına kömək edir. Bu səbəbdən düzgün qidalanma psixoloji sağlamlıq üçün vacibdir.
Əminə Bayramova
