PSJ-nin transfer edəcəyi qapıçının kimliyi bəlli olub.
Fanat.Az xəbər verir ki, informasiyanı şəxsi "X" hesabı üzərindən tanınmış insayder Fabritsio Romano yayıb.
Mənbə Fransa nəhənginin "Lill"in qolkiperi Lyuka Şevalyeni heyətə qatacağını vurğulayıb. Məlumata görə, paytaxt təmsilçisi 23 yaşlı "çərçivə" qoruyucusunu 40 milyon avroya alacaq. Şevalyenin tibbi müayinədən keçəndən sonra 5 illik müqaviləyə imza atacağı bildirilib.
Qeyd edək ki, Lyuka Liqa 1-də 34, Çempionlar Liqasında 10 oyun keçirib.
