İrəvan Rusiyaya hazırda Vaşinqtonda Bakı ilə razılaşmanın əldə olunduğu formulanı təklif etmişdi.
APA xəbər verir ki, bunu Ermənistanın Baş Naziri Nikol Paşinyan bildirib.
Onun sözlərinə görə, Ermənistan, Azərbaycan və Rusiyanın Baş nazir müavinlərinin iştirakı ilə kommunikasiyaların açılması üzrə üçtərəfli işçi qrup çərçivəsində gedən proseslər fərqli istiqamətə yönəlib.
“Bu baş vermədi, çünki biz proseslərin Ermənistanın suverenliyi, ərazi bütövlüyü və yurisdiksiyasının aşağılanacağı bir istiqamətə yönəldilməsinə cəhdlərin görüldüyünü müşahidə etdik. Biz heç bir halda bununla razılaşa bilməzdik”, — Paşinyan bildirib.
