İtaliyanın "Napoli" və "Cenoa" kimi klublarında çıxış etmiş sabiq futbolçu Emmanuele Kalayo 43 yaşında karyerasına davam etmək qərarına gəlib.
90deqiqe.Az-ın "derbyderbyderby.it"ə istinadən yaydığı məlumata görə, o, İtaliya futbolunun üçüncü ən güclü liqasında çıxış edən "Zeta Napoli" klubunda oynayacaq.
O, bu qayıdışı belə izah edib:
"Bu fürsəti əldən verə bilməzdim. Futbolçu karyeramı tamamilə bitirməzdən əvvəl belə bir şans əldə etmək istəyirdim."
Kalayonun əsas motivasiyası 20 yaşlı oğlu Jakoppo ilə bir yerdə oynamaq imkanıdır.
Onun son klubu 2019-cu ildə çıxış etdiyi "Salernitana" olub. Orada o, 12 matçda iştirak edib.
